← Artqa
searchTV.uz

Xalıqara olimpiadada 13 oqıwshımız sovrindor boldı

Samarqand qalında Ahmad al-Fargoniy atındaǵı II xalıqara fizika olimpiadası jeńimpazların sıylıqlaw máresimi bolip ótti. Bul abroylı bilimlendiriw ilajı jas talantlardı qollap-quwatlaw hám xalıqara sheriklikti bekkemlewde áhmiyetli orın tuttı. Dúnyanıń 15 mámleketinen kelgen 200 ge jaqın sırt el hám elimizdiń 100 ge jaqın oqıwshıları qáriyp bir hápte dawamında eki basqıshta ózleriniń fizika boyınsha nazariy hám ámeliy bilimlerin sınawdan ótkerdiler. Yarıs qatnawshılar ushın haqıyqıy bilim maydanına aylandı. Birinshi laboratoriya basqıshında oqıwshılar ekibirden tapsırıqtı orınlap, ózleriniń ámeliy kónlikpelerin kórsetti. Ekinshi basqıshta olarǵa xalıqara dárejede úshbirden suwraq berilip, juwapları bahalandı. Olimpiada jeńimpazları hám sovrindorların sıylıqlaw máresiminde mektepke shekemgi hám mektep bilimlendiriw ministriniń orınbasarı Sherzod Karimov, Samarqand wáliyati hákiminiń orınbasarı Husan Toxtayev sózge shıǵıp, xalıqara olimpiadanıń joqarı dárejede ótkenin atap óttiler. Qatnawshılar qayd etken nátiyjelerine kóre altın, gúmis hám bronza medalları menen sıylıqlandı. Atap aytqanda, elimiz wákilleri 6 bronza, 5 gúmis hám 2 altın medaldı qolǵa kiritip, Rossiya hám qıtaylıq oqıwshılar qatarında joqarı nátiyjeli boldılar. Rossiyalıq Yaroslav Tixonyuk nazariy hám ámeliy sınawlarda eń jaqsı nátiyje kórsetip, olimpiadanıń absolyut jeńimpazı boldı. Onıń bul tabısı basqa qatnawshılar ushın úlgi boldı. Ilaj sońında shólkemlestiriciler, qazıylar hayati aǵzaları hám de belsendi qatnawshılardıń olimpiada shólkemlestiriw komitetiniń arnawlı nıshanları hám alǵısqatları tapsırıldı.
Ulashish