← Artqa
searchTV.uz

Aziya rawajlanıw بانki wákilleri Qaraqalpaqstanda: media-missiya baslandı

Usiy jıldıń 14-16 oktyabr kúnleri Aziya rawajlanıw bankiniń (ARB) Ózbekstandag'ı wákilxanası menen birgelikte Qaraqalpaqstan Respublikasında "Aziya rawajlanıw banki kúnleri" media-missiyası ótkerilmekte. Bul ilaj aymaqtaǵı xalıq abadanlıǵı hám xalıqaralıq sheriklikti bekkemlewge qaratılǵan. Esletip ótemiz, Ózbekstan Respublikası Prezidenti Shavkat Mirziyoyev usı jıldıń 4 may kúni Samarqand qalasında bolıp ótken Aziya rawajlanıw banki Basqarıwshılar keńesiniń 59-jıllıq jıynalısınıń ashılıw marrasında 2030 jılǵa shekem barlıq tarawlardı texnologiyalıq hám innovaciyalıq ósiw modeline ótkeriw arqalı ekonomika kólemin 240 milliard dollardan asırıw, dáramatı ortashadan joqarı mámleketler qatarına kiriw hám kembag'allıqqa tolıq barham beriw maqsad etilgenin atap ótken edi. ARB menen ámelge asırılgan hám házirgi qospa joybarlar portfeli qariyb 16 milliard dollarǵa jetti. Ózbekstan Respublikası Prezidentiniń Qaraqalpaqstan Respublikası ushın arnawlı qabyıl etilgen 10-sanlı pármanında Aziya rawajlanıw banki menen iqtisodiy ósiw jolag'ı qatnasları tiykarında Qaraqalpaqstan Respublikasınıń sociallıq-ekonomikalıq rawajlanıw strategiyasın islep shıg'ıw boyınsha memorandum imzolaw wazıypası belgilep berilgen edi. Usı tapsırıqlar atqarılıwı sheńberinde Qaraqalpaqstan Respublikası Joqarg'ı Kenesiniń baslıg'ı Amanbay Orinbayev bank wákilleri menen ushrastı. Ushrasıwda Prezidentimiz basshılıgında xalıq abadanlıg'ı jolında ámelge asırılıp atratın jańalanıwlar hám ARB qatnasıwındag'ı joybarlar atap ótildi. Atap aytqanda, bank qatnasıwında elimizdi Evropa menen baylanıstıratıwshı A-380 xalıqaralıq avtomobil jolınıń 240 kilometr bólegi rekonstruksiya qılıp, paydalanısqa tapsırılǵanı atap ótildi. Ushrasıwda jaqın sheriklik qatnasların bunnan bılay da bekkemlew máseleleri sóz etildi. Sonday-aq, usı temadag'ı ushrasıw Berdaq atındaǵı Qaraqalpaq mámleketlik universitetinde de bolıp ótti. Onda xalıq abadanlıg'ın támiynlewde úlken joybarlar áhmiyetli ekeni atap ótildi. "Qaraqalpaqstan Respublikasında Aziya rawajlanıw banki kúnleri" media-missiyası sheńberindegi ilajlar dawam etpekte.
Ulashish