Iqtisodiyot
Ulliy Britaniya hám Evropa Awqamı azıq-awqat sawdasındaǵı tosıqlardı kemeytiw boyınsha kelisimge jaqınlastı
Ulliy Britaniya Evropa Awqamı menen ekonomikalıq sheriklikti bekemlew tiykarında azıq-awqat ónimleri qawipsizligi, sanitariya hám fitosanitariya standartların EI talaplarına muwapıqlastırıwdı rejelestirmekte. Bul haqqında Birlesken Korollik bas ministri Endi Bernxem málim etti. Sky News telekanalı xabar beriwinshe, London hám Bryussel azıq-awqat hám awıl xojalıǵı ónimleri sawdasında byurokratik tosıqlardı qısqartıwǵa qaratılǵan kelisim joybarı shártleri boyınsha kelisip alǵan. Bas ministrdiń atap ótiwinshe, Evropa Awqamı menen sawda baylanısların jaqınlastırıw mámleket jalpı ishki óniminiń qosımsha 0,4 procentke ósiwine xızmet etiwi múmkin. Sonday-aq, jańa kelisim Britaniya kárxanaları usıman mamriy qárejetlerdi kemeytiw hám eksport múmkinshiliklerin keńeytiwge qaratılǵan. Kelisim joybarına muwapıq, azıq-awqat, ósimlik hám basqa ónimler sawdasında áldagı sertifikatlaw tártipleri hám tekseriwlerdiń aksariyati biykar etiliwi kózde tutılmaqta. Bul fermerler, azıq-awqat islep shıǵarıwshılar hám eksportshılardıń qárejetlerin sezilerli dárejede qısqartıwı múmkin. Britaniya húkimeti esap-kitaplarına kóre, kelisim mámleket ekonomikalıq jaǵdayına jılına 5 milliard 100 million funt sterlingge shekem ekonomikalıq payda keltiriwi kútilmekte. Atap ótilgenindey, sóylesiwler juwmaqlawshı basqıshta. Tárepler kelisimdi 20 noyabr kúni Bryusselde ótkeriletuǵın Ulliy Britaniya – Evropa Awqamı sammitine shekem juwmaqlawdı maqset etken. Esletip ótemiz, Ulliy Britaniya 2020 jıl 31 yanvarda Evropa Awqamınan rásmiy túrde shıqqan. Jańa kelisim Brexit procesinen keyin eki tárepleme sawda qatnasların ápiwayılastırıw jolındaǵı áhmiyetli qádemlerdiń biri bolıwı kútilmekte.
Ulashish