← Artqa
searchTV.uz

Jaslar bandligi hám qáwipsiz migratsiya boyınsha áhmiyetli kelisimge erisildi

Paytaxt jasların zamanagıy kásip-húner hám sırtqı tillerge oqıtıw, sonday-aq olardıń xalıqaralıq miynet bazarında múnásip orın iyelewin támiyinlew jolında jáne bir áhmiyetli qádem taslandı. Atap aytqanda, Migratsiya agentliginiń Tashkent qalalıq filialında Tashkent qalalıq Jaslar isleri basqarması, Tashkent qalalıq Kásiplik tálim basqarması hám Migratsiya agentligi filialı basshıları hám juwapker xızmetkerleri qatnasıwında úsh tárepleme sheriklik memorandumǵa qol qoyıldı. Bul kelisim jaslardı sırtqı tillerge oqıtıw, kásiplik kónlikpelerin qáliplestiriw hám sırt elde nızamlı jumıs penen támiyinlew múmkinshiliklerin keńeytiw maqsetinde shólkemlestirilgen «2+6» baǵdarlaması dońgeleginde ámelge asırıldı. Bul baǵdarlama úsh áhmiyetli dúzilmeniń háreketlerin bir maqset astında birlestiriwge qaratılǵan. Endilikde imzolengen memorandumǵa muwapıq, juwapker tárepler jaslardıń sırtqı tillerdi ózlestiriw qárejetlerin mámleket tárepinen subsidiyalaw boyınsha sistemalı sheriklikti jolǵa qoyadı. Bul óz gezeginde jaslardıń til úreniwdegi finanslıq tosıqlardı saplastırıwǵa xızmet etedi. Memorandum sheńberinde jaslardı xalıqaralıq standartlar tiykarında kásip-húnerge tayarlaw máselesine de ayrıqsha itibar qaratıladı. Zamanagıy miynet bazarı talaplarınan kelip shıqqan halda, oqıw procesleri shólkemlestiriledi hám jaslardıń básekege qábiletli kadr bolıp jetisiwi támiyinlenedi. Nızamlı hám qáwipsiz miynet migratsiyası maseleri de usı sherikliktiń orayında turadı. Shólkemlestirilip atrtırǵan jańa sistema arqalı jaslar sırt elde joqarı dáramatlı jumıs orınlarına uyıusqanlıq penen jaylastırıladı. Qol qoyılǵan hújjetke tiykarlanıp, jaslardı til úretiw, kásipke tayarlaw, sırt elde jumısqa jaylastırıw hám olardı qollap-quwatlaw boyınsha birden-bir sistema jolǵa qoyıladı.
Ulashish