← Artqa
searchTV.uz

IIM gaz hám kómirdi nızamsız almasıwına qarsı qadaǵawdı kúsheytpekte

Ótken bir ay ishinde Ózbekstanda kómir hám suyıltırılǵan gazdi nızamsız saqlaw hám ótkiziw menen baylanıslı 390 huquqbuzarlıq jaǵdayı anıqlandı. Nızamsız muomaladan 9 139 gaz ballonu, 92 tonna 936 kilogramm suyıltırılǵan gaz hám 333 tonna 540 kilogramm kómir musrarda qılındı. Bul haqqında Ishki isler ministrliginiń 6-noyabrdegı maǵlıwmatında atap ótildi. Bul sanlar ministr Aziz Toshpulatov qatnasıwında xalıqtı energetika resursları menen támiyinlew máselelerine baǵıshlanǵan jıyılısta keltirildi. Ministrlik maǵlıwmatlarına qaraǵanda, kómirdi nızamsız saqlaw hám ótkiziw menen baylanıslı 16 jaǵday dizimge alınǵan. Musadara qılıngan 333 tonna 540 kilogramm kómir tikkeley xalıq zárúrlikleri ushın jetkerip berildi. Suyıltırılǵan gaz benen baylanıslı bunday huquqbuzarlıqlar sanı 374 ti quradı. Alınǵan gaz ballonları hám suyıltırılǵan gazdi xalıq tutınıwı ushın qaytarıw ilajları kórildi. Atap aytqanda, oktyabr ayında Samarqand wálayatında Pastdargomtumangaz gaz támiynatı kárxanası xızmetkerleri xalıq ushın ajratılǵan gaz toltrılǵan turmıstıq ballonlardı arnawlı transport qurallarında talon-taraj etip atrtuǵanı anıqlandı. Ótkerilgen ilaj dáwirinde 32 million sómlik 3 tonna 100 kilogramm uglevodorod gazı musadara qılındı. Bul jaǵday boyınsha kárxana xızmetkerlerine qarsı Jinayat kodeksiniń 167-statyası 2-bólimi v bandı menen jinayat isi qozǵaldı. Samarqand wálayatı IIM huzurındaǵı Tergew basqarması jaǵdaydıń basqa tátipliginiń anıqlamaqta. Jıyılısta gúz-qıs máwsiminde úylerdi hám sociallıq taraw obiektlerin kómir, tábiyiy hám suyıltırılǵan gaz benen turaqlı támiyinlew máseleleri keń túrde dodalandı. Juwapkerlerge gaz ballonların belgilengen grafik boyınsha jetkerip beriw, tutınıwshılardan tiykar-sız tólew talap etpew hám ónimdi belgilengen meyordan az bermew wazıypası júklendi. Sonday-aq, ónimlerdiń haqıyqıy kólemi menen esabatlardagı sanlar arasındaǵı parıqlardı, jalǵan maǵlıwmat kirgiziw hám nızamsız aralıq etiw jaǵdayların anıqlawǵa qaratılǵan jedel-profilaktika ilajların kúsheytiw belgilendi. Juwarpkerlerge energetika ónimlerin tasıwda júklerdiń pútkilligin qadaǵaw etiw, gaz toltırıw shoxobshaları, qoymalar hám tarqatıw bazaları qorǵalıwın kúsheytiw tapsırıldı. «Hududgazta'minot» AJ menen birgelikte támiynattagı úzilisler sebeplerin anıqlaw, ónim kólemi hám tarqatıw esabın júrgiziw ilajları kórildi. Tutınıwshıların arızaların tez arada sheshiw boyınsha da anıq wazıypalar belgip berildi.
Ulashish