Iqtisodiyot
1-noyabrnan xaliq-araliq kurerlik jónetpeleri ushın bajxona jıyımı 20 procentke kemeyedi
Ózbekstanda xaliq-araliq kurerlik jónetpelerin qollap-quwatlaw hám logistika sistemasın rawajlandırıwǵa qaratılǵan áhmiyetli qarar qabıllandı. Prezidenttiń 2026-jıl 12-oktyabrdegi «Transport-logistika sistemasın rawajlandırıwǵa tiyisli qosımsha ilaj-ilajlar haqqında»ǵı PQ–368-sanlı qararına muwapıq, 2026-jıl 1-noyabrnardan baslap xaliq-araliq kurerlik jónetpelerin bajxona rásmiylestiriwinen ótkergenlik ushın áldagı jıyım stavkası 20 procentke kemeyedi. Bul ilaj isbilermenler hám puqaralar ushın xaliq-araliq jónetpelerdi qabıllaw hám jiberiw proceslerin jeńilletiske xızmet etedi.
Qararǵa tiykarlanıp, 2026–2030-jıllarda respublikada transport-logistika oraylarınıń jıllıq quwatlıqların keminde 40 million tonnaǵa jetkeriw maqset etilgen. Sonday-aq, transport hám logistika xızmetleri eksportın 3,5 milliard dollarǵa, Ózbekstan aymaǵı arqalı tranzit júk tasılıw kólemin bolsa 18,5 million tonnaǵa jetkeriw rejelestirilgen. Barlıq talaplarǵa juwap beretuǵın xaliq-araliq qurǵaqlıq portlarınıń sanı 24 ten 30 ǵa kóbeyttiriledi.
Refornalar sheńberinde mámleket shegarasınan ótketiw punktleriniń júk tasılıw qábileti hám logistika oraylarında konteynerlerge islew beriw quwatlıǵı eki ese asırıladı. Transport-logistika tarawına aymaqlardı qánigelestiriw de baslanıp, oǵan muwapıq Ándijon wálayatınıń Xonabad qalası, Buxara wálayatınıń Alat rayonı, Surxandarya wálayatınıń Termiz rayonı, Tashkent wálayatınıń Jańajol hám Ańańaron rayonları transport-logistika tarawına baǵdarlanadı.
Logistika oraylarında zamanagóy basqarıw sistemaları engiziledi. Atap aytqanda, terminallardı basqarıw ushın TOS hám ombordı basqarıw ushın WMS sistemaları ornatıladı. Bul oraylar 2030-jıldıń aqırına shekem Transport ministrliginiń E-logistika platformasına jalǵanıwı shárt etip belgilendi.
Belgilengen talaplarǵa juwap beretuǵın transport-logistika orayları 2040-jılǵa shekem jer hám múlik salıǵınan tolıq azat etiledi. Bunday jeńillikke iye bolıw ushın logistika orayı ESKATO nıń qurǵaqlıq portları haqqındaǵı bitimine kiritiliwi, belgilengen basqarıw sistemaların engizgeni hámde E-logistika platformasında BB yamasa odan joqarı reytingke iye bolıwı shárt.
Sonday-aq, transport-logistika orayları reyestrine kiritilgen oraylar ushın respublikada islep shiǵarılmaytuǵın omborxona úskeneleri, júk túsirip-mindiriw texnikası, agregatlar hám ehtiyot bólimler 2029-jıldıń 1-avgustine shekem bajxona bojı hám májbúriy sertifikatlawdan azat etiledi.
Bunnan tısqarı, M₂, M₃ hám N kategoriyadaǵı transport quralların islep shiǵarıwshı kárxanalar da 2027-jıl 31-dekabrge shekem respublikada islep shiǵarılmaytuǵın komponentlerdi bajxona bojın tólemesen import qılıwı múmkin boladı.
Ulashish