← Artqa
searchTV.uz

Atom energiyası tarawında ashıqlıq – isenim hám juwapkershilik mezonı

Mámleketlik basqarıwda ashıqlıq, shaffoflıq hám nızam ústinligin támiyinlew mámleketlik siyasatınıń áhmiyetli baǵdarlarınan biri bolıp tabıradı. Strategiyalıq áhmiyetke iye tarawlarda korrupciyalıq qáwip-qáterlerdi óz waqtında anıqlaw, resurslardan aqıl-parasat penen paydalanıw hám qabıl etilip atratın qararlardıń xolisligin támiyinlew ayrıqsha juwapkershilik talap etedi. Ózbekstan Respublikası Ministrler Kabineti janındaǵı Uzatom agentligi hám onıń sistemalıq shólkemlerinde korrupciyanıń aldın alıw, onıń kelip shıǵıwına imkan jaratıwshı faktorlardı saplastırıw hám de barlıq baǵdarlarda halallıq principlerin bekkemlewge áhmiyet qaratılmaqta. 2026 jıldıń birinshi yarım jıllıǵında Agentliktiń korrupciyaǵa qarsı gúresiw siyasatı, mápler toqnawısın basqarıw hám ishki qadaǵalaw boyınsha hújjetleri nızamshılıq talaplarına muwapıq jetilistirildi. 2026 jılda Uzatom agentliginiń barlıq 52 funkciyasındaǵı korrupciyalıq qáwip-qáterler E-anticor.uz elektron platforması arqalı bahalawdan ótkerildi. Bahalaw nátijeleri tiykarında qáwip-qáterler kartası hám ilajlar baǵdarlaması tastıyıqlandı. Sonday-aq, mápler toqnawısı boyınsha deklaraciyalar toltırılıp, profilaktikalıq ilajlar belgilerdi. Mámleketlik satıp alıwlarda ashıqlıq hám nızamlılıqtı támiyinlew de dıqqat orayında tur. Satıp alıw procesleri nızam hám ishki tártip-qagıydalar tiykarında shólkemlestirilip, maǵlıwmatlar rásmiy veb-saytta jariyalanıp barılmaqta. Kadirlar menen islewde de ashıqlıq hám teń múmkinshilikler qaǵıydalarına ámel qılıp, bos lawazımlarǵa tańlawlar birden-bir ashıq portal arqalı ótkerilmekte. Xızmetkerlerdiń huqıqıy mádeniyatın asırıw maqsetinde Qorǵaw háreketleri akademiyasınıń Virtual akademiyasında arnawlı oqıw kursları shólkemlestirildi. Eń áhmiyetli nátijelerden biri Uzatom agentliginde ISO 37001:2025 xalıqaralıq standartınıń engiziliwi boldı. 2026 jıldıń iyul hám oktyabr aylarında xalıqaralıq sertifikatlaw organı auditorları tárepinen ótkerilgen audit juwmaqlarına kóre, agentliktiń korrupciyaǵa qarsı menejment sisteması ISO 37001:2025 talaplarına muwapıq dep tabıldı hám sertifikat alınıp qoyıldı. Jámiyetshilik penen ashıq muloqot hám baylanıs mexanizmleri islep tur. Isenim telefonları haqqında maǵlıwmatlar jariyalanıp, puqaralardıń múrájaat etiwleri ushın shárayat jaratılǵan. Uzatom agentligi direktori Azim Axmedxodjayev atap ótkenindey, halallıq hám nızam ústinligi hár bir xızmetkerdiń kúnlik iskerligine aylanǵan basqarıw sisteması atom energiyasın paydalanıw tarawınıń turaqlı rawajlanıwına xızmet etedi.
Ulashish