Jahon yangiliklari
Mask Ukrainani Starlink qag'iydalarin buziliwinda ayıpladı
SpaceX basshısı Elon Mask Ukraina armiyasın Starlink jasma joldas baylanıs sistemasın qollanıw shártlerin buzǵanında hám odan dronlar járdemi menen adamlardı óltiriw ushın hújimler jasawda qollang'aninda ayıpladı. Bul haqqında ol óziniń X sociallıq tarmaqlarında jazıp qaldırdı. Onıń sózlerine ko're, kommerciyalıq puqaralıq xızmeti bolg'an Starlink sistemasınan áskeriy maqsetlerde hújim uyımlastırıw ushın hesh qashan ruxsat berilmegen hám berilmewi kerek.
Masktıń atap ótiwinshe, AQSh húkimeti qadag'alawı astında bolg'an Starshield sisteması da bar bolıp, odan qanday paydalanıwdı sheshiw tek olardıń erkinliginde. Sonı menen birge, ol Starlink Ukraina qorg'awı ushın sheshiwshi áhmiyetke ie ekenin, óytkeni ol isten shıg'arıw yamasa joq etiw múmkin bolmag'an jalg'ız baylanıs sisteması ekenin qosımsha qıldı. Eger Starlink óshirilesin, Ukraina frontı sol jaqta qulaytug'ının ol ashıq aytıp ótti.
Mallumat ushın, Starlink - bul SpaceX kompaniyasınıń keń polosalı internetke jalang'an múmkinshilik beretuq'ın kommerciyalıq jasma joldas tarmog'ı bolıp, odan jeke shaxslar, kompaniyalar hám mámleketlik duzilmeler keń paydalanadı. Starshield bolsa milliy qawipsizlik tarawındag'ı mámleketlik wazıypalar ushın mólsherlengen bolip, qosımsha kriptografiyalıq qorg'aw quraldarı menen támiyinlengen.
Ukraina dronların baylanıs penen támiyinleytuq'ın tarmaqtag'ı sheklewler haqqındag'ı basqıshpa-basqısh xabarlar oktyabr ayınıń ortalarında payda bolg'an edi. Ukraina qorg'aw ministrliginiń burıng'ı maslahatshısı Sergey Sternenko terminalar tezligi joqarı bolg'anda baylanıs úzilgenin ma'lim qılg'an edi. Keyinirek bul sheklewler jáne de kúsheytilgeni hám dronlardı basqarıw qıyınlasqanı xabarlap ótildi.
The Economist baspasınıń jazıwınsha, Mask Rossiyanıń neftti qayta islew zavodlarına berilgen soqqıları ushın Kievti jazalaw maqsadında Starlink jumısın sheklewge buyrıq bergen. Sonday-aq, The Wall Street Journal baspası da Masktıń bul boyınsha jeke kórsetpe bergenin tastıyıqlag'an.
Ulashish