Iqtisodiyot
Mısır Ózbekstanda jańa jerlerdi ózlestiriwde qatnasıwǵa niyet bildirip atır
Mısırstın altı kompaniyası Ózbekstanda suwǵarıw sistemaların engiziw, mal shárwapshılıǵın rawajlandırıw hám awıl xojalıǵı ónimlerin eksportqa yetkerip beriw boyınsha qospa joybarlarǵa qızıǵıwshılıq bildirdi. Anıq usınıstı islep shıǵıw ushın jaqın kúnlerde mısırlıq qánigelerdiń Ózbekstanǵa saparın shólkemlestiriwge kelisip alındı. «Dunyo» aqlıq agentligi xabar etiwinshe, Ózbekstan diplomatları menen ótkerilgen ushırasıwda Famot, Delta, Modern Farming, SOBEK, Fruits hám Pureland kompaniyalarınıń wákilleri qatnasqan. Sóylesiwlerde awıl xojalıǵı, mal shárwapshılıǵı, suwǵarıw hám jańa jerlerdi ózlestiriw tarawlarındaǵı sheriklik perspektivaları kórip shıǵıldı. Mısır tárepi aylana suwǵarıw sistemaların engiziw, mal shárwapshılıǵı ushın azıq bazasın jaratıw hám awıl xojalıǵı ónimlerin yetistiriw boyınsha qospa joybarlardı islep shıǵıǵa tayın ekenligin bildirdi. Sonday-aq, yetistirilgen ónimlerdi keyinshelik eksport qılıwdı shólkemlestiriw máselesi de talqılandı. Kompaniyalar Ózbekstan aymaqlarında jańa jerlerdi ózlestiriw hám awıl xojalıǵın rawajlandırıw joybarlarında qatnasıw niyetin tastıyıqladı. Ushırasıw juwmaǵında sheriklik múmkinshiliklerin ornında úreniw hám anıq joybarlardı tayarlaw maqsetinde Mısır qánigeleriniń Ózbekstanǵa saparın shólkemlestiriw boyınsha kelisimge erisildi.
Ulashish