Jahon yangiliklari
Qytay Vyetnam menen sheriklikti rawajlandiradi
Sinxua informaciya agentliginin xabar beriwinshe, Qytay Xalq Respublikası Siyasıy byurosı Dayımıy keńesiniń aǵzası, Pútinqytay Xalq wákilleri keńesiniń Milliy komitetiniń baslıǵı Van Xunin Pekinde Vyetnam Milliy Keńesiniń baslıǵı Chan Txan Man menen ushrasıw ótkerdi. Bul sóylesiw eki mámleket arasındaǵı siyasıy, ekonomikalıq hám diplomatiyalıq baylanıstı taǵı da bekkemlewge qaratılǵanı menen áhmiyetli. Ushrasıw dáwirinde tárepler óz-ara mápdarli baǵdarlarda sheriklik qatnasların keńeytiw másselelerin múzakara etip aldı. Qytay hám Vyetnam rásmiyleri eki mámleket arasındaǵı dástúriy doslıq baylanısların jańa basqıshqa alıp shıǵı niyetinde ekenliklerin bildirdi. Sonday-aq, xalıqaralıq hám aymaqlıq áhmiyetke iye bolǵan áhmiyetli másseleler boyınsha da pikir almasılındı. Tárepler túrli dárejedegi baylanıstı jedellestiriw, sonıń ishinde parlamentlerara sheriklikti taǵı da rawajlandırıw zárúrrligin atap ótti. Bul ushrasıw eki mámleket arasındaǵı óz-ara túsinisiw hám isenim ortalıǵın bekkemlewge xızmet etiwi kútilmekte. Qytay basshılıǵı Vyetnam menen hár tárepleme strategiyalıq sheriklikti tereńlestiriw tárepdarı ekenin taǵı bir márte tastıyıqladı.
Ulashish