← Artqa
searchTV.uz

Investitsiyalarni tartipke saliw hám joybarlar atqarılıwın qadaǵalawda qanday ilajlar kórilmekte?

Yelimizde investitsiyalıq ortalıqtı jaqsılaw, ekonomika tarawları hám aymaqlarǵa tuwrıdan-tuwrı sırtqı investitsiyalardı keń túrde tartıw, investorlardıń huqıqları hám nızamlı máplerin qorǵaw boyınsha keń kólemli jumıslar ámelge asırılmaqta. Biraq, sonıń menen birge, aymaqlarda sırtqı investitsiyalar qatnasındaǵı joybarlardı óz waqtında hám nátiyjeli ámelge asırıw, olardıń atqarılıwında júzege kelip atrǵan mashqalalardı jedel anıqlaw hám saplastırıw máselesi áhmiyetli bolıp tur. Atap aytqanda, investitsiyalıq joybarlardı ideya basqısınan iske túskenge shekem birdey jantasıw tiykarında baqlap barıw, jer maydanın ajıratıw, zárúr infrastruktura menen támiynlew, ruqsat beriw proceslerinen ótiw hám basqa basqıshlarda júzege kelip atrǵan tosıqlardı óz waqtında anıqlaw múmkinshiligin beretuǵın cifrlı hám shólkemlestiriwshilik mexanizmlerdiń ámeldegi nátiyjeliligin bahalaw zárúr. Sonday-aq, arnawlı ekonomikalıq zonalardıń nızamshılıq tiykarları hám basqarıw modelin jetilistiriw, olarda investitsiyalıq joybarlardı nátiyjeli ámelge asırıw, rezidentlerdi zárúr infrastruktura menen támiynlew, islep shıǵarıw hám eksport kórsetkishlerin asırıwǵa ayrıqsha itibar qaratıw kerek. Nızamshılıq palatasınıń májilisinde sonnan kelip shıqqan halda, aymaqlarda sırtqı investitsiyalardı nátiyjeli tartıw hám joybarlar atqarılıwın qadaǵalaw boyınsha ámelge asırılıp atrǵan jumıslar boyınsha Investiciyalar, sanaat hám sawda wázirine parlament sórawı jiberildi. Bul baǵdardaǵı áhmiyetli máselelerdi sheshiw, atap aytqanda, investitsiyalardıń aymaq ekonomikası hám insan kapitalı rawajlanıwına tásirin asırıw hám de eksportbab kárxanalardı mánzilli qollap-quwatlaw máselerleri itibarda boldı. Málim etiliwinde, joqarıdaǵı wazıypalardıń atqarılıwın támiynlew maqsetinde Investiciyalar, sanaat hám sawda wázirine parlament sórawı jiberildi. Bul parlament sórawı arqalı bar bolǵan mashqalalardı saplastırıw hám kelesiktegi áhmiyetli wazıypalardı belgilew názerde tutılǵan. Parlament qadaǵawı sheńberinde ámelge asırılıp atrǵan bunday ilajlar ekonomika tarawlarınıń turaqlı rawajlanıwına xızmet etedi.
Ulashish