Sport
Sport turizmini rawajlandiriw jańa imkaniyatlar esigin ashadi
Elmizdiń xalıqaralıq turizm maydanındaǵı imkaniyatların keńeytiw, sport jarısların sayaxat baǵdarları menen úylesi-stiriw maqsetinde áhmiyetli qádem taslandı. Turizm qomiteti qasındaǵı Turistlik ónimdi rawajlandırıw boyınsha joybar oficisi mámleketlik mákemesi hám Ózbekstan kriket federaciyası arasında sheriklik memorandumi imzolandi.
Kelisiwge muwapıq, elimizde hár jılı Uzbekistan International Cricket & Tourism Cup xalıqaralıq kriket jarısı hám Silk Road Cricket Festival turistlik festivalın ótkeriw rejelestirilmekte. Bul ilajlar sırtqı el sportshıları, kriket múhlisleri hám sayaxatshılardı Ózbekstanǵa tartıw jolındaǵı áhmiyetli platformaǵa aylanıwı kútilmekte.
Aytıp ótiw kerek, Olimpiada oyınları sistemasındaǵı kriket sport túri boyınsha ótkeriletuǵın jarıslarǵa Ullı Britaniya, Avstraliya, Jańa Zelandiya, Qubla Afrika, Hindistan, Pakistan, Bangladesh, Shri-Lanka sıyaqlı mámleketlerde úlken qızıǵıwshılıq penen qaraladı. Usı jihattan yurtımızda hár jılı ótkeriletuǵın mazkur ilajlarǵa usı mámleketlerdiń kriket komandaların, qızıǵıwshı xalıqtı, sayaxatshılardı tartıw arqalı jańa turistlik bazarlarda Ózbekstannıń jańasha qıypasın kórsetiw názerde tutılmaqta.
Ózbekstan kriket federaciyası baslıǵı Aziz Mixliyevtiń atap ótiwinshe, baslamanıń áhmiyetli baǵdarlarınıń biri sport hám mádeniy turizmdi ózara baylanıstırıw esaplanadı. Atap aytqanda, kriket jarısları sheńberinde sırt el miymanlarına Samarqand, Buxara hám Xiva sıyaqlı qədim qalalardıń bay mádeniy miyrasları hám milliy úrp-átetin tanıstırıwǵa qaratılǵan turistlik baǵdarlar islep shıǵıladı.
Joybardı ámelge asırıw procesinde turoperatorlar, miymanxanalar, aviakompaniyalar, temir jol xızmetleri, húnarmandlar hám kewilashar maskanlar menen sheriklikti jolǵa qoyıw rejelestirilgen. Bul xalıqaralıq jarıslardıń qatnasıwshıları hám miymanlarına transport, jaylastırıw, ekskursiya hám basqa turistlik xızmetlerdi birlestirgen usınıstı taǵdım etiw imkaniyatın beredi.
Mazkur sheriklik Ózbekstanda sport turizmi infrastrukturasın rawajlandırıw, xalıqaralıq baylanıslardı bekkemlew, aymaqlardıń turistlik potencialın keń kórsetiw hám tarawda qosımsha ekonomikalıq imkaniyatlardı qáliplestiriw imkaniyatın beretuǵını menen áhmiyetlidir.
Ulashish